Скокотливата куќа

Сликовници, книги за деца, 4+ години Дали знаеш, дете, што излегува од јајцата од молив, стоплени во едно гнездо-чкртка? Излегува приказна. Приказна за една куќа со виткани линии, нацртана од едно дете што силно го стискаше моливот. Оваа куќичка со име Скокотливка живее во земјата на детските цртежи што се вика Точкалинија. Толку е налутена од исмејувањето на другите куќички, што тргнува со брод кон Северниот Пол, за да смрзне и да се чувствува силна како сите други куќи. И како што се знае, секоја пречка е авантура… од која извлекуваме поука која никогаш нема да ја заборавиме.