Магнетен Рид

Една жена го напушта мажот и заминува од Њујорк за да се врати во својот роден град, Будимпешта. Целта ѝ е таму да напише книга. Во Будимпешта се запознава со еден познат универзитетски професор, кој ќе има интимна врска и со неа и со една студентка. Приказната „скока“ напред-назад во времето (меѓу 1999 и 2002 година), и остава многу отворени прашања: има случувања на кој не им е откриен крајот, има незадоволени желби. Авторката праќа една значајна порака, а тоа е дека приказните што вообичаено си ги кажуваме на самите себе се само конструкции, и со нив може да се игра. За „Магнетен рид“ авторката Река Ман-Вархеѓи ја има добиено Наградата за литература на Европската Унија во 2019 година.