Сината е најтоплата боја

„Сината е најтоплата боја“ е приказна за љубовта меѓу две девојки. Животот на Клементина доживува пресврт кога ја запознава Ема, млада девојка со сина боја на косата, која ѝ ги открива сите лица на страста и ѝ овозможува да се соочи со погледите на другите луѓе. Ова е нежна и чувствителна приказна. Графичкиот роман зборува за чувствителните години на созревањето и првите заљубувања, за судирот помеѓу индивидуата и околината, за слободата и мечтаењето, како и за оние ретки љубови што засекогаш ни го обележуваат животот.