Разговори во четири очи

Ана и Хенрик се во брак дванаесет години и имаат три деца кога нивната врска почнува да се распаѓа. Надоврзувајќи се на својот роман „Најдобри намери“, славниот режисер Ингмар Бергман во „Разговори во четири очи“ на читателите им нуди интимна и потресна семејна драма. Компониран во пет поглавја, односно пет интимни разговори, овој лирски и длабок роман зборува за темите кои се присутни во целокупното книжевно и филмско творештво на Бергман: осаменоста, потрагата по љубов, гревот, слободната волја, мистериите на смртта, спасението и искреноста. Според романот „Разговори во четири очи“ во 1996 година е снимен и истоимен филм по сценарио на Ингмар Бергман, а во режија на Лив Улман.