Писма до Отла

Оваа книга содржи повеќе од сто писма од интимната преписка помеѓу Франц Кафка и неговата најмлада сестра, Отла. Пишувани во период од петнаесет години, писмата ни откриваат лични детали од животот на Кафка, го отсликуваат неговиот бурен однос со родителите и неговиот топол однос со сестрите, а ја откриваат и неговата долга и тешка битка со болеста. Преписката го открива Кафка како внимателен брат, добар пријател и топол човек, што можеби и не е толку евидентно од неговите книжевни дела. Поради сето тоа, „Писма до Отла“ претставува скапоцен увид во сложената и енигматична личност на еден од најголемите писатели во историјата на светската книжевност.